ఉదయించే కిరణాలను ఆపేదే మాఫియా

చెత్త పుత్రులను ప్రమోట్ చేసి

వుత్తి మొఖాల్ని హీరోల్ని చేసి

తెలుగు సినిమాకి చీడలా పట్టి

తెగులులా పట్టి తగులుకునీ

ఉదయించే కిరణాలను ఆపేదే మాఫియా

హృదయం లేని పాషాణాలే పెద్దలయా

నటన ఓ వారసత్వ సంపదయితే

నీటమునగదా నిజ నటనా సౌరభం?

కొడుకు నాకొడుకులే తెలుగు సిన్మా హీరోలయితే

కడకు మిగిలేది తెర మీద పనికి రాని కొయ్యలే!  

మేకుల్లా కొడుకులు, తమ్ములూ దిగబడి పొతే

ఏకుల్లా బంధువులు రాబందుల్లా ఎగబడిపోతే

ఒక కొత్త రామారావ్ వచ్చే అవకాశం లేదు

యిక యింకో నాగేశ్వర్రావ్ రాడు గాక రాడు

తెలుగు సినిమాకి పూర్వపు వెలుగొస్తుందా?

వెలుగుకు దూరమై వీగిపోయి నిర్వీర్యమైపోతుందా?