మది లో సొద

మద్యం దుకాణం ముట్టడి --కదలివస్తూన్న కాళిలా, మహా కాళి లా

2012-03-11T11:24:00.000-07:00

మధ్య వ్యాపారాలు విపరీతమయి, విపత్కరమైనపోకడలెత్తుతూంటే

మితి మీరిన లాభాల కొరకు కుసంస్కారులైతే,అరాచకాన్ని సృష్టిస్తుంటే

అణగారిన అతివల, అమ్మలపోరాటాలు అక్కడక్కడా వెలుగు చూస్తున్నాయ్ !

మధ్యవ్యాపారులు మంగళ సూత్రాల్ని కుదువ పెట్టుకొని భర్తలకి బ్రాందీ పోస్తుంటే

గుడి గంటలుకొట్టక ముందే, బడి తలుపులు తెరవక ముందే బార్ తలుపులు బార్లా తెరిచేస్తుంటే

అణగారిన అతివల, అమ్మలపోరాటాలు అక్కడక్కడా వెలుగు చూస్తున్నాయ్ !!

మందు బాబులచేష్టలతో ఇంటి ని చక్క బెట్టటం, కష్టమైపోతూంటే

వేరే దారిలేకవీధిలోకి వచ్చి తన వాకిటినీ , వీదినీ సంస్కరించటానికి

అణగారిన అతివల, అమ్మలపోరాటాలు అక్కడక్కడా వెలుగు చూస్తున్నాయ్ !!!

నడుం కడుతున్నారు, పిడికిలిబిగిస్తున్నారు, కదలివస్తూన్న కాళిలా, మహా కాళి లా

మధ్య మృత్యు కేళి నిమట్టు పెట్టగ , మత్తు కుత్తుక కత్తిరించాటానికి

అణగారిన అతివల, అమ్మలపోరాటాలు అక్కడక్కడా వెలుగు చూస్తున్నాయ్ !!!

*** *** *** *** *** *** *** *** *** *** *** ***

వూరు కొక్క నాయకుడు లేని లోటు వున్న నవ సమాజాన
వూర కుక్క వలె కాటు వేస్తున్నది ఈనీచపు సారా

వూరకున్నవారి మౌనము, వూరికిఅపకారము చేయును
వారు, వీరనిజాప్యము తగదు, మధ్యము మీద పోరు చేయ

బెల్ట్ షాపులు పెట్టిన పాపులన్ పాలద్రోల
బెల్టు తీయగ శంసయించ వలదుఅమ్మలార
రివోల్టు చేయు భాద్యత, బరువూమీదే, వేయి
వోల్టుల శక్తి మీకు వున్నది, శకించవలదు

మధ్య మహిషాసురుని అదుపు చేయు కాలమాసన్న మైనది
వుద్యమించుడు వురుములా, కదలిరండో కాళిలా, మహంకాళిలా
చోద్యము చూస్తూ మధ్య వ్యాపారముచేయు ప్రభుత్వాలకు
బాద్యత గుర్తు చేసి, బారులనేలబారు తనమును అంతము చేయ

విజయవాడ 10 మార్చి 2012 : త్రాగి వచ్చిన డ్రైవర్ ను అడ్డుకున దురుసు ప్రయాణీకులు

2012-03-10T12:22:00.000-08:00

ఏవిటో కలి కాలం ! బస్ ప్రయాణీకులకు బొత్తిగా బస్ స్టాఫ్ తో ప్రవర్తించాలో తెలియటం లేదు. అసలు మర్యాదనేది లేకుండా పోయింది.
పై న్యూసు క్లిప్ లో ఉదహరించిన సదరు డ్రైవరు గార్కి డ్యూటీ ఎక్కాలని అసలు మనసు రాక పోయినా కూడా ఎలాగో ఒకలా మనసు చేసుకుని బస్ నడపటానికి వస్తే అడ్డుకుంటారా! అన్నా! ఎంత పొరపాటు !

అసలు ఎలాగో ఒకలా అనటం కూడా తప్పే, ఆ డ్రైవరు గారి కష్టాన్నిఅవమానించటమే. నిజానికి ఎలాగో ఒక లాగా కాకుండా కష్టపడి నాల్గు పెగ్గులు లేదా ఒక అర బాటిల్ లాగించేసీ వచ్చేసాడు డ్యూటీకి. అసలు ప్రయాణీకులు అర్ధం చేసుకోవాలి, ఎంత చేదుగా వున్నా కూడా నాలుగు పెగ్గులు లాగించటము అంటే మాటలా.

అసలు డ్రైవరు గారు ఎందుకు త్రాగి వచ్చాడో అర్ధము చేసుకోవాల్సిన భాద్యత ప్రయాణీకులది. ఆ మాటకొస్తే సకల జనులదీను. ఏదో సరదా కొద్దీ అలా అలా మందు అలవాటయిపోయింది అతనికి. తను మాత్రం ఏంచేస్తాడు.

వీధి వీధి నా పోటీ పడి విస్కీలు , బ్రాందీలూ అమ్మేస్తుంటే ఎలాంటి వాడైనా తట్టు కోగాలడా...తాగ కుండా వుండగలడా. తస్సాదియ్యా ..తాగ కుండ వుండటం అంత వీజీ కాదు ఆంద్ర ప్రదేష్ లో.
అదేనండీ ఆంద్ర ప్రదేష్ ..కొద్దిగా నాక్కూడా గవర్నమెంట్ వారి పుణ్యమా అని ష్ట్రాగటం అలావాటైన నుంచి అలానే పలక గలుగుతున్నా.

అసలు ఎపుడైనా మీరు బస్ డిపో ల ప్రక్కన వుండే కిళ్ళీ కొట్లూ, పాన్ షాపుల్లో చూసారా , మంచినీళ్ళ పాకెట్ల లా చిన్న చిన్న సారా పాకెట్లూ, మిక్చర్ పాకెట్లూ అందరి సౌకర్యార్ధమూ రడీ గా అందుబాటులో ఉంచుతున్నారు. ఈ పరిస్తితుల దృష్ట్యా ఈ డ్రైవరు పాపము నిమిత్త మాత్రుడే. నేరం నాది కాదు ఆకలిది అని అన్నట్లు
త్రాగటం ఆతని నేరము కాదు, ఆంద్ర ప్రదేష్ లో సర్వాంతర్యామి అయిన ఆ మందు దేవత దే .

యిందుగలదందు లేదని
సందేహంబు వలదు
ఎందెందు వెదుకు బాధే వలదు
సందు సందున మందు కలదు

ఆ డ్రైవరు గారు పాపము త్రాగి త్రాగి (గవర్నమెంటు వారి ప్రోశ్చాహము తో ) ఎలాంటి స్టేజీ కి వచ్చాడంటే , తాగాక పొతే చేతులూ కాళ్ళూ ఆడని పరిస్తితి. అసలు మనసు, చేతులు, కాళ్ళూ చెప్పిన మాట వినవు తాగక పొతే . యిక తాక్కుండా డ్యూటి ఎక్కీ బస్ నడుపుతూవుంటే మద్యలో సడన్ గా సీసా గుర్తు వచ్చినదను కొండి, అపుడిక చేతులే స్టీరింగ్ వదిలేస్తే , కాళ్ళు బ్రేకులు వెయ్యలేక పొతే ఏమయ్యేను ప్రయాణీకుల పరిస్తితీ ?

అంచేత మనకోసం , ప్రయాణీకుల సేఫ్టీ కోసం , తన సొంత డబ్బులతో , చేదు అయినాకూడా పాపం త్రాగి వస్తే అడ్డుకునీ అవమానిస్తారా ! ఎంత మాట ! ఆ మాట కొస్తే త్రాగే వాళ్ళను అడ్డుకోవటం ఆంద్ర ప్రదేష్ ప్రభుత్వ విధానాల్నీ , విధులనూ ఎదుర్కోవటమే, ప్రభుత్వ ధిక్కారమే !

అసలు యిలా త్రాగి డ్యూటి కి వచ్చే వాళ్ళను అడ్డుకునే వాళ్ళని సెక్షన్ VAT 69 కింద అరెస్ట్ చేసి , ప్రాస్సేక్యూట్ చేసి , ఒక సంవత్సరం జైల్లో పడేసీ, పిమ్మట ఒక ఆర్నెల్లు ఏదో ఒక బ్రాందీ బార్ లో పెగ్గులు సర్వింగ్ చేసేట్టు సామాజిక శిక్ష విధిస్తేగానీ తిక్క కుదరు ఈ జనాలకి. ఎంతో డబ్బెట్టి వేలం పాటల్లో మందు షాపు లైసెన్సు లు కొనుక్కున్న మందు కాంట్రాక్టర్ల బతుకులు ఏమి కావాలి? యిలా త్రాగే వాళ్ళను యిబ్బంది పెడితే ? యిలా త్రాగే వాళ్ళను అడ్డుకుంటే ప్రభుత్వ బడ్జెట్ కి డబ్బెలా వస్తుంది? రూపాయికి బియ్యమెలా యిస్తారు? ఎపుడైనా ఆలోచించారా అసలు?

యిక త్రాగి త్రాగి పాపము బీద బిక్కీ వాళ్ళ ప్రేగులు పంక్చర్లు అయినపుడూ , కాలేయాలు కాలిపోయినపుడూ వాళ్ల ప్రేగులకు కుట్లెయ్యటానికి ''రాజీవ్ ఆరోగ్య శ్రీ, 104 , 108 , 109 "' కి డబ్బులివ్వ టానికి నిధులెలా వస్తాయి?

సారేజాహా సె అచ్చా హిందూస్తాన్ హమారా
సారే ఆంధ్ర స్తాన్ మె నిండి పోయెన్ ‘సారా’

సరిరారు మాకెవ్వరూ, సారా పానమున
సారీ, మాబ్రతుకింతే, మా నాయకత్వమూ అంతే

బెంగళూరు లో (అ)న్యాయ వాదుల వీరంగం

2012-03-02T21:48:00.002-08:00

న్యాయ వాదుల దాడి లో గాయపడిన కానిస్టేబులు మృతి

2012-03-02T06:20:00.000-08:00

న్యాయ వాదుల దాడిలో గాయపడిన కానిస్టేబులు మృతి- Bengaluru, Dt.02-Mar-2012

న్యాయ స్థానం ముంగిట భారత మాత ముద్దు బిడ్డలవీధి పోరాటం
(అ)న్యాయ వాదుల, రక్షక భటుల, పాత్రికేయుల ప్రత్యక్ష నిజ విశ్వ స్వరూపం

అశువులు బాసెను పోలీసు మహాదేవయ్య, గనుల ఘనులు లేపిన 'గాలి' దుమారపు దాడి న
అశ్రుధారలు పారెను న్యాయ దేవత కంట, కానగ రావు అవి తన కను గంతల మాటున

నిజ ఖనిజ గజ దోపిడీ దారుల తంత్ర కుతంత్రయాత్రల్లో
సగటు జీవుల పాట్లు, అగచాట్లూ, కత్తి పోట్లు, తుపాకీ తూట్లు

న్యాయ వాదమాయె తీవ్ర వాదము
న్యాయ పీఠ మాయె బలి పీఠం

రాతి యుగపు వాద మెంచె న్యాయ వాదము
రాళ్ల వాన చేసి.. పోలీసు అసువు తీసె.. ఎంతఖేదము!

రాష్ట్రంలో అద్భుతం ...బయటకు వెళ్తే మహాద్భుతం : చిరంజీవి

2012-03-02T02:09:00.003-08:00

అద్భుతాలు సృష్టించెనట ! తెలుగునాట చిరంజీవి, పర
మాద్భుతమె మరి మాయ మయ్యె ప్రజా రాజ్యము

యింట మునిగి నావు నమ్మిన ప్రజల ముంచి వంచించినావు
రచ్చ గెలవ బయలుదేరినావ? ఒ ముఠా మెస్త్రీ ?

శ్రీ సాయి వైన్స్

2012-03-02T00:44:00.000-08:00

సాయి వైన్స్ పేర మద్యం అమ్ము దౌర్భాగ్యమదేల
కసాయి మేలు కద, కుత్తుక కోసె నొక్కసారె

మత్తు వ్యాపారమున ప్రజలను చిత్తు చేయంగ, దైవ నామ మేల?
సొత్తు నార్జించ మోహాన ఆత్మ, పరమాత్మ యన్న విచక్షణ పోనేల ?

ఒకరు అమ్మ కాలేదనీ ! , ఒకరు అమ్మ అయ్యాననీ !

2012-02-14T03:08:00.000-08:00

భవానీ ద్వీపం

2012-02-13T22:43:00.001-08:00

'ప్రజా రాజ్య' కాంక్షలు విలీనమయ్యేకాంగ్రెసు లోన

ప్రజల ద్వీపం...భవానీ ద్వీపం లీన మాయె 'ప్రజా రాజ్యాన'

'గంట' మ్రోగెను ద్వీపంబున ...'చిరు' ఆశలె పెను ఆశలు కాగ

'ప్రత్యూషో' దయమాయే నాయక ప్రజసంతసించగ

కాల్వ గట్టు ఫై దొరికిన శిశువు - ఈనాడు 12-Feb-‘12

2012-02-13T13:04:00.000-08:00

2012-02-11T18:31:00.001-08:00

కర్నాటక నేత విధాన సౌధంబున 'నీలి' మబ్బుల మాటున విహరించె
బీహారు నేత నాట్య మాడె అశ్లీల విధంబునలోకులు పరిహసింప
ఏ రాష్ట్ర మేగినా ఏమున్నది ఘన చరిత
భరత మాత ...తల రాత... నేటి నేత

2012-02-02T12:43:00.000-08:00

బొత్స సత్తి బాబు చక్రం తిప్ప గల్గు ఘనుడె,

వుత్సాహంబున మందు బాటిల్స్ అమ్మ గలడు, స

మత్స కుటుంబీకులు రాజకీయ పదవుల నింపు వారె,

మత్సరము వీడి మసలు గలగునా , తెలుగు వారి మంచి కోరి

తాగి తూలుతున్న నా దేశం‏

2012-01-10T06:38:00.000-08:00

వీధికో బ్రాందీ షాపు, కిళ్ళీ కొట్లో సారా పాకెట్లు, హైవే లో లిక్కర్ షాపులూ,
మందు పార్టీ కోసం మోటారు సైకిళ్ళు దొంగతనం చేసే యువత

తాగి బస్సులూ , లారీలూ నడిపుతున్న యముడి భందు గణం
తాగితే కాని నడవనూ లేని , తాగితే గాని వాహనాన్ని నడపలేని వాళ్ళూ

లిక్కర్ షాపులతో డబ్బు సంపాదించి రాజకీయ నాయకులై
ఆ అధికారంతో మరిన్ని లిక్కర్ షాపులు తెరుస్తున్న నాయకులు

రోజు కూలీ అంతా తాగాటానికే సరిపడక, తాగినంత తాగి
ఇంటికి వచ్చి భార్యని చితక బాదే మగధీరులు

మందు బాగా బొంది లోనికి వెళ్లి లోన దాక్కున్న కామ పిశాచి బయల్పడి
ఏ అడుక్కునే అమ్మాయో కనపడితే కుక్కలా కాటేసే కామం తీరుచుకొనే ఆవారాలూ

ఎక్కడో పక్క వీధిలో కదా, తాగి ఎవడో హత్యో , దొంగతనమో చేసాడు
మన వీధి లో బాగానే వుంది మనకెందుకులే అనుకుని
బ్రతుకు సాగరం లో సాగిపోతున్న సగటు జనం

కొద్ది రోజుల క్రితం విశాఖ లో జరిగిన ఘటన ...
తాగు బోతుకి అప్పు ఇస్తే, వాడు తాగి తాగి అప్పిచ్చిన వాడి కూతుర్నే హత్య చేశాడే
ఇటువంటి సంఘటనలు కూడా బండ బారిన ఏ గుండెనూ తాకట్లేదేమీ ?

ప్రభుత్వం జాలీగా..అపర సంతోషంతో ..ఈల పాటలా లిక్కర్ వేలం పాటలు పాడుతోంది
ప్రభుత్వం జాలి లేకుండా అసుర గుణంతో, అసుర గణంతో పేదల రక్తాన్ని పీల్చే ఆటలు ఆడుతోంది
తాగినోడు, తాగిస్తున్న ప్రభుత్వమూ నీ తోలు తీసి, నీ రక్తాన్ని త్రాగేస్తున్నారు

సమాజం ఎందుకిలా నాయకత్వం లేమితో బావురు మంటోంది ?

మళ్ళీ ఓ గాంధీ వస్తాడా, మళ్ళీ ఓ ఓ సర్దార్ పటేల్ వస్తాడా
తెల్ల వాడి నించి విముక్తిని ప్రసాదించారు ..తాగినోడి నించి తాగిస్తున్న ప్రభుత్వాన్నించీ విముక్తిని ప్రసాదించరా ?

''గాలి కోట రహస్యం'' సినిమా టైటిల్ సాంగ్

2011-09-14T20:55:00.000-07:00

గనులే దోచి ప్రజలను మాపి పాపుడ వయనావు...
పరమ పాపుడ వయనావు....

గర్వం పెరిగి...సర్వం నీవుగ కర్నాటకం ఆడావూ
జగన్న్నాటకం ఆడవూ ...

ఖనిజం దోచీ నిజమే దాచి దానావుడయినావూ ..దానావుడయినావూ
కథలే చెప్పి భూములు మింగే నీ రోజులు పోయాయీ ఆ రోజులు పోయాయీ

ధనమే మదమై మదమే పెరిగి దేవునికే టోపీ పెట్టావూ స్వర్ణ కిరీటపు టోపీ పెట్టవూ
జనమే తరిమి జగమే ఊరిమీ దేముడు అడిగే రోజే వచ్చినదీ...ఆ రోజే వచ్చినదీ

న్యాయం వచ్చీ నిజమే గెలిచే కాలం వచ్చినదీ మంచి కాలం వచ్చినదీ
దేశం కోసం న్యాయం కోసం నీకు జైలే నిలయం అది జాతికి పదిలం

గనులే దోచి ప్రజలను మాపి పాపుడ వయనావు...
పరమ పాపుడ వయనావు....

ఇండియా 'హస్త'గతం

2011-09-09T06:31:00.000-07:00

ఇండియా 'హస్త'గతం ఇండియా అస్తవ్యస్తం
ఇండియా హస్తం పార్టీగతం ఆ పార్టీ ఇటాలియన్ సొంతం

వంద కోట్ల భారతీయుల వందనాలు ఈ ఇటాలియన్ బొమ్మ కి
వందల కోట్ల హారతుల చందాలు ఈ ఇటాలియన్ బామ్మకి

మన్మోహన్ సింఘం ఓ సిల్లీ పిల్లి ఈ ఇటాలియన్ కి
జగన్మోహన సుందర దృశ్యమా? ఇది ఈ స్వతంత్ర రాజ్యానికి ?

రాహు(ల్) కాలం కోసం కుహనా నాయకుల తపస్సులు
రాహువే జీవం రాహువే ప్రాణం ఈ లజ్జ లెస్స జీవులకు

రాహువే ప్రధానం, రాహువే ప్రధాని,
రాహువే ప్రదాత , రాహువే విధాత
వద్దులే ప్రగతి .. ఇదే మన విధి రాత

రాహువు ని ప్రధాని గా చేయటమే, చూడటమే వారి కర్తవ్యమట
ఆశువు గా చెప్పాడీ మాట చిరంజీవి అనబడే చిరుజీవి ఈ మద్య

గాంధీ పేరు పెట్టుకుని హస్తిన చూరు పట్టుకుని రాజ్యం వెలగ బెడుతున్నారు
గాంధీ నామం పెట్టుకుని ప్రజానీకానికి పంగ నామాలు సరిగా పెడుతున్నారు

గాంధి పుట్టిన దేశమే ఇది... నెహ్రూ
బంధువుల రాజ్యమే ఇది
తరాలు మారినా తారలు ఆధునిక గాంధీలే
వరాలు, వారసత్వ సంపదలు వీరికేలే

ఈ కుళ్ళు కడిగే నాయకుడే లేడా
ఈ మొసళ్ళ నుండి హస్తినను కాపాడే వాడు రాడా

మద్యం ఉద్యమం మద్య మనం

2011-09-08T22:01:00.000-07:00

వీధికి నాలుగు బార్లు, ఇంకో నాలుగు వైన్ షాపులతో అలరారుతున్న స్వర్ణాంధ్ర ప్రదేశ్ ను చూసి ..ఈ పేరడీ....
'సిపాయి చిన్నయ' సినీమా లో ఈ పాట రచయతకు క్షమాపణలతో .....
Original పాట
--------
నా జన్మ భూమి ఎంత అందమైన దేశం నా ఇల్లు అందులోన కమ్మని ప్రదేశము
నా సామీ రంగ హాయ్ హాయ్ నా సామి రంగ
నడిచే దారిలో నవ్వే పువ్వులు శాంతి నాదాలతో ఎగిరే పిట్టలూ ...
పచ్చనీ పంటలూ .....వెచ్చనీజంటలూ ...చల్లనీ జీవితం ....ఇదే నవ భారతం
బ్రతకాలందరూ దేశం కోసమే... దేశమంటేనే మట్టి కాదోయ్ మనుషులే
స్వార్త్దమూ వంచన లేనిదే పుణ్యమూ త్యాగమూ రాగమూ మిళితమే ధన్యమూ
-----------------------------
పారడి

నా జన్మ భూమి ఎంత అందమైన దేశమూ
మన వూళ్ళు 'మందు'లోనే ఘుమ్మనే ప్రదేశమూ

నా సామీ రంగ హాయ్ హాయ్ నా సామి రంగ

నడిచే దారిలో పిలిచే బారులూ ...బ్రాంది వాసనలతో... పెరిగే గుట్టలూ
పచ్చనీ బ్రతుకులూ ...కాల్చేనీ లిక్కరూ ...చలించదీ జనం ..ఇదే నవ భారతం
త్రాగాలందరూ దేశం కోసమే... దేశమంటేనే మట్టి కాదోయ్ మత్తులే
స్వార్త్దమూ.. వంచనా.. లేనిదే జరగదూ ... తాగారా...బాగుగా.. జీవితమే మద్యమూ

నా జన్మ భూమి ఎంత అందమైన దేశమూ
మన వూళ్ళు 'మందు'లోనే ఘుమ్మనే ప్రదేశమూ

నా సామీ రంగ హాయ్ హాయ్ నా సామి రంగ

మార్చి 4, 2011: విశాఖపట్నం లో కొడవలి కత్తి పోటుకి బలిఅయి అసువులు బాసిన కృష్ణ వేణి కి నా అసృతర్పణాలతో

2011-03-05T05:41:00.000-08:00

మార్చి 4, 2011: విశాఖపట్నం లో కొడవలి కత్తి పోటుకి బలిఅయి అసువులు బాసిన కృష్ణ వేణి కి నా అసృతర్పణాలతో

చట్టం తన పని తను చేసుకు పోతూంది..ప్రవచిస్తారు మంత్రులు
చట్టం ఎదుటే క్రిమినల్సూ కూడా వాళ్ళ పని వారు చేసుకు పోతున్నారు

ఎక్కడ నారి పూజింప బడుతుందో అక్కడ దేవతలు నాట్యం చేస్తారట
ఇక్కడ నారి నరక బడుతుంటే ఇక్కడ చట్టం చుట్టం చూపు చూస్తోంది

సినిమాల్లో స్త్రీ అంగాంగం ప్రదర్శింప బడంగ
మద్యం ఏరులై, గంగలై, సంద్రాలై పొంగంగ.. పారంగ
మదం పోట్లెత్తదా మనిషిలో.. అసురుడు ఉదయించడా
మానవత్వం వుడాయించదా మహిలో సుమతీ

నా కామెంట్

2011-03-03T08:45:00.000-08:00

రెండు రూపాయల కి కేజీ బియ్యం యిస్తారు
మూడు పూటలా బెల్ట్ షాపుల్లో సారా పోస్తారు
నాలుగు పాదాలా అధర్మాన్ని నడిపిస్తారు